The Philippines' First All-Opinion Website

Commentary
September 24, 2018

PARENG REY AT 70

Ayaan ninyong ibahagi ko sa inyo ang ginawang one-on-one na interview sa akin ng Kasangga JR Langit.

Kung napanood ninyo noong nakalipas ng biernes (Sept. 21, 2018) ang aming television show “KASANGGA MO ANG LANGIT” sa PTV4, ibinahagi namin ang kakaibang presentation at tema sa special episode ng aking kaarawan.

Ako ang nasa hot seat at si JR ang gumanap na Rey Langit.

“Ang laging wish ng mga nagbe-Birthday, Good Health, Success in Life at Happiness. Thank God ang tatlong ito ay nasa akin na.”

MARKADONG TINIG

JR Langit: Ngayon gagawin nating bisita si Pareng Rey.  Sa pitong dekada ng kanyang buhay, may kulang pa ba sa kanyang mga narating? Samahan nyo kami sa isang masayang kuwentuhan sa episode na hashtag Pareng Rey @70.

Kung boses ang pag uusapan…nag iisa ang kanyang tinig mapa radio man o telebisyon.  Sya rin ang orihinal at nagpasimula ng mga programang nagbibigay ng tulong at ayuda sa mamamayan.  Sya ang ating kasanggang si Pareng Rey.

Sa hanay ng napakarami nyang nagawa bilang isang mamamahayag….laging lumulutang ang pagiging orihinal nya pagdating sa pagtulong sa mga OFW’s.

Pareng REY: In the 70’s… wala pa ang mga gadgets, wala pang cellphone, ipad, wala pa hong laptop, naisip na namin kung paano i-bridge  ang gap between families here at mga workers abroad, kaya na create natin ang award winning at Hall of Fame na “To Saudi With Love”, yong libreng tawag. Instead na hintayin pa nila ang cassette tape na ipadala by mail sa Pilipinas ng mga OCW’s (Overseas Contract workers) na isang buwan bago makarating sa kanilang love once, na isip na namin nina Reyster at JR na mag bigay ng Libring Tawag real time. Sabi nga ni secretary Peter Cayetano, alam mo Rey kung ikaw ang naninirahan sa abroad at that time ikaw ang unang nakaimbento ng technology at gadget na ito.

ADVOCACY

Hindi tinantanan ni Pareng Rey ang kanyang adbokasiyang pagtulong sa OFW’s kahit pa nang maging obsolete na ang libreng tawag dahil sa pag usad ng teknolohiya. Nag evolved ang kanyang programa sa Biyaheng Langit, dedicated sa mga unsang hero’s na OFWs. Hindi na mabilang ang tagumpay na nakamit ni Pareng Rey sa industriya ng pamamahayag. Ang kanyang karera bilang mamamahayag ay isa lamang sa tatlong hiling nya sa tuwing sumasapit ang kanyang kaarawan.

HEALTH, SUCCESS & HAPPINESS

Pareng REY: Sa “Health” I’m bless, malusog na malusog po ako, nakikipag compete pa sa age ni JR sa larong golf and I can swim continuous 10 laps sa Olympic swimming pool, swimming talaga ang exercise ko. Pag dating sa “Success,” modesty aside, napag kaloob na sa atin ang pinakamataas na pag kilala mula sa mga prestigious Award giving bodies:
Hall of Fame sa KBP Gonden Dove Awards, Rotary Club of Manila Journalism Awards- Hall of Fame, CMMA o Catholic Mass Media Awards- Hall of Fame at PMPC – Hall of Fame. At pag dating naman po sa “Happiness”… mababaw lang ang kaligayahan ko, maligaya na akong nakikita ang tatlo (3) kong apo, dalawa kay JR at isa kay Reyster. Enough na po ang happiness sa buhay ko at sa aking career.

Bagamat napakalayo na ng narating ni Pareng Rey, Hindi maikakaila na marami ring pagsubok ang kanyang pinagdaanan.  Isa na rito ang pagyao ng kasanggang si Reyster Langit.

ANECDOTE

Pareng REY: Hindi ganoon kadali ang pag harap sa mga pag subok sa buhay. Ang challenges at trial na ito ay walang tigil. Naalala ko tuloy ang isa kong pamangkin na naninirahan na sa Chicago USA. In his early 20’s nagtangkang magpatiwakal kamakailan, nag laslas ng pulso dahil sa pagkamatay ng kanyang matalik na kaibigan. Nang malaman ko, via cellphone (messenger) naikwento ko sa kanya nang pumanaw at mawala sa aming buhay si Reyster. Ang nawala sa akin ay hindi lang mahal na anak, siya ang director ng aking mga tv shows, matalik na kaibigan at kasangga sa lahat ng bagay. Nang pumanaw si Reyster sumagi rin sa aking isipan na samahan ko siya, dumating sa puntong wala na akong kinatakutan kahit aksidente pa ito na maaari kong ikamatay, ngunit napag tantu ko na unfair sa aking iiwanan, sa isa ko pang anak na si JR, sa kanyang Ina at sa aking mga apo.

Ang mga pagsubok at challenges sa buhay ay patuloy. Dahil sa pagkawala ni Reyster ay lalu akong naging matibay sa pag harap at naging matatag sa mga pag subok na dumarating.

MOVING FORWARD

Moving forward at seventy ang ating Pareng Rey.  Hindi sya tumitigil na matuto at hindi tumitigil sa pagtulong. Lagi siyang handa sa tuwing mag sa sahimpapawid sa radyo o television man. Bilang sundalo ng pamamahayag, hindi humaharap sa mikropono o kamera si Pareng Rey nang hindi armado ng kaalaman…isa itong bagay na nais niyang ibahagi sa lahat ng nagnanais na pumasok sa industriya ng pamamahayag. Alam na alam niya ang mga bagong kaganapan sa paligid. Ang mga maiinit na issues, mga pangyayari sa pulitika, current events na may kinalaman sa pang araw-araw na buhay ng greater majority ng ating mga mamamayan.

Pareng REY: Tuwing umaharap ako sa aking mga Programs tulad ng Insider exclusive, Kasangga at byaheng langit ako ay punong puno ng impormasyon. Most of the time yung  1hr kulang na nga jr, kung pwede mag over time ako  para ma buhos ko lahat ng mga pinag aralan ko. Alam kong nakikinig at nanonood ang marami nating kababayan dito at sa ibayong dagat, at gusto kong makinabang sila nang husto sa mga ibinabahagi ng ating mga guests at sa aking mga katanungan sa kanila.

MISSION

Kung meron man syang gusto pang gawin… ito ay ang pag papalaganap ng kanyang kaalaman sa pamamahayag para sa mga kabataan.

Pareng REY: Gusto ko na ma impart natin yun ating expertise  na maituturing. Ating ability sa pamamahayag, gusto kong maii-spread ang ating naging experience na hindi naman basta mababasa sa mga text books upang pakinabangan ng future generations.

Halimbawa, sa mga kabataan na hindi inabot ang Martial Law. Ang pagunita ng ika – 46 taon ng pagkakadiklara ng Martial Law noong 1972. Ang mga istorya ng nakalipas ay mag silbing Trivia sa ating mga kabataan. Ako, bilang isang batang-batang mamamahayag noon,

MY RECOLLECTION

September 21, 1972 nang lagdaan ni dating President Ferdinand E. Marcos ang Proclamation 1081 at ni-release noong Sept 23, na nag didiklara ng batas militar. Kami noon ang 1st generation, unang batch ng field reporters Radyo Patrol ng DZAQ ng ABS CBN.

September 20, aking kaarawan nag karoon kami ng munting salo salo sa ABS CBN radio division. Halos hating gabi na natapos ang party. Pag labas namin ng gusali ay nakasalubong namin ang mga trucks ng sundalo, na lingid sa aming kaalaman sila pala ang naatasang mag sasara ng aming himpilan.

Ang suspension ng privilege of the writ of habeas corpus ay naganap makalipas ng madugong August 1971 Plaza Miranda bombing, kung saan ang aming grupo ng Radyo Patrol ang nag sahimpapawid ng ditalyadong kaganapan.

PLAZA MIRANDA

Na-assign ako sa Plaza Miranda upang i-cover ang Political Rally ng maganap ang malagim na pagsabog. Isang ganap na chaos ang buong kaganapan, nasaksihan ko ang madugo at magulong pangyayari. Nanguna kami sa makasaysayan o historical event na ito.

Nag mistulang crackdown sa Media ang suspension of the privilege of the writ of habeas corpus. Nauso ang paanyaya sa Camp Crame na walang warrant of arrest. Karamihan sa amin ay pansamantalang nagtago. At ang karapatang pang tao o human rights ay klarong nabaliwala. Restricted ang aming mga galaw, nawala ang aming access sa himpapawid.

METRO MANILA BANAT

Nawalan ako nang trabaho sa pag kakasara ng ABS CBN. Naanyayahan ako ng Manila Broadcasting Company na maging News Director ng himpilang DZRH.

Dito ko nabuo ang naging pamosong “Metro Manila Banat.” Ang program na may dalawang anchors, si Paring Rey at si Paring Caloy, ang kaisa-isang commentary program sa panahon ng Martial Law.

August 1983, umalingaw-ngaw ang tinig ng inyong lingkod ng maganap ang assassination ni Senator Benigno Aquino sa tarmac ng MIA.

Araw nang Linggo alas dose nang tangahali sa DzRH narinig ang buong kaganapan sa Manila International Airport. Naging exclusive live coverage ang aking ginawa bagamat ito’y mahigpit na pinagbabawal sa panahon ng Martial Law. Nakipag tulungan sa akin ang mga reporters na sina Jim Ferrer, Manny Bal, and Aya Yupangco. Tinawag na one of the most historical at significant day in Philippine history.

ORIGIN OF PEOPLE POWER

Lunes hangang Sabado, umaalingangaw ang aking tinig sa DZRH at naririnig tuwing umaga ang mga katagang,.

“Ito ang Palatuntunang walang kinatatakutan, sapagkat ang pangngahas nito ay kapangyarihan ng mamamayan… PEOPLE POWER!”

Martial law, mid 70’s nang aking simulan ito. Bagamat maraming babala na ipapasara ang aming himpilan, wala nang nakapigil pa sa umaalingawngaw naming tinig. Ang lakas at kapangyarihan ay nagmula na sa mamamayan, PEOPLE POWER! Ika- 22 ng Pebrero 1986, ang katagang “People Power” na unang namutawi sa aking bibig sa radyo ang umalingawngaw sa EDSA.

BLOODLESS REVOLUTION

Ang katangang PEOPLE POWER! ay lumaganap hindi lamang sa Pilipinas kung hindi narinig ng buong daigdig. People Power rin ang ginamit upang patalsikin si Slobadan Milosevic ng Yugoslavia. Ito rin ang nagpabago sa buhay ng mga mamamayan ng Nepal, Myanmar, Romania, Czech Republic, Korea, Germany, at Egypt.

Bagamat namayapa na ang aking partner na si Pareng Caloy, ang mumunting contribution namin sa national at global history ay hindi na malilimutan kaylanman.

Legacy of PEOPLE POWER remains and the rest is HISTORY!

MEMORIES

Nag flashback si JR at sorpresang pinakita ang tatlong (3) mga larawan sa camera at nag tanong kay Pareng REY kung ano-ano ang mga istorya sa likod ng mga larawan.

Pareng REY: Ang isang ito ay istorya ng hostage taking. Si Dapat ay isang OFW na humingi nang tulong sa akin na iligtas ang kanyang buhay makalipas na mang hostage. Makalipas ang mag damag na negotiation, nailigtas ko ang buhay ng bata mula sa hostage taker, at ang OFW mula sa mga snipers na babaril sa kanya.

Sumunod na ipinakita ni JR ang larawan ni Pareng REY na may hawak na baril na may silencer at may nakasulat na “BAKIT MO AKO BINARIL?” at may lagda ni FPJ.

Pareng REY: Ito ay eksena sa pelikulang “ANG PADRINO.” Inanyayahan ako ni FPJ na lumabas sa kanyang pelikula na aking tinanggihan. Hindi siya tumigil sa pagkumbinsi sa akin. Ayon sa kanya sa Pelikulang ito ang mga batikang character Actors tulad nina Paquito Diaz, Max Alvarado, Ruel Bernal at iba pa ang kanyang papatayin sa eksena at ako lang ang maka papatay sa kanya. Hindi na siya nag dalawang salita pa,
Sinagot ko siya agad ng- GAME!
Pumayag ako dahil alam kong wala nakatatalo sa isang FPJ sa pelikula, at ngayon lang siya tatanggap ng katalunan mula sa isang Rey Langit.

Nasundan pa ang mga pag labas ni Pareng REY sa mga Pelikula ni FPJ at di kalaunan si Pareng Ronnie ay naging ninong na ni JR Langit sa kasal.

JR Langit: Dad, ano naman ang nakapaloob na istorya dito sa ikatlong larawan, mukhang DJ ka dito at balbas sarado.

Pareng REY: Pang Linggong program ko yan sa DzRH. Lunes hangang Sabado may newscast at commentary program ako. Kapag Linggo for a change personality program. Pero sa hindi inaasahang pangyayari dyan pumutok ang malaking balita na assassination ni Senator Ninoy Aquino. At ako lang ang nag hatid ng blow by blow report sa himpapawid dahil linggo puro Music programing ang ibang istasyon.
Ang aking coverage na ito ay nakonsiderang isa pang milestone sa aking carrier bilang broadcast journalist.

SUMMATION

Maaaring narating na ni Pareng Rey ang nais nyang marating subalit, hindi ito tumitigil na matuto lalo na sa panahon ngayon ng modern technology.

Pareng REY: Bukang bibig ko ang emerging technologies, dahil naniniwala ako na malaking kapakinabangan ang mga bagong tuklas na technologies para sa mabilis na pag sulong at kaunlaran ng Bayan. Pangarap ko pa rin at gusto kong makita one of these days ang uplifting of the standards ng ating broadcast journalism.

Sa lahat ng kanyang accomplishments, makikita ang isang energetic at inspired na Rey Langit.

Pareng REY: Maaaring nagtataka kayo kung ano ang pinag uhugutan ko lakas, pinagkukunan ko ng energy at tapang. Kayo na mga kabataan, ikaw JR, ang kuya mo na si Reyster… kayo ang aking inspirasyon, kayo ang pinag kukunan ko nang aking lakas. Ang inyong tapang, ang kagalingan, bagong ideas, sa inyo ako nakatanaw sa ating mga kabataan sa pag harap nila sa bagong hamon ng buhay.

JR Langit: How to be REY LANGIT, siguradong mahirap, pero kung susunod tayo sa kanyang mga turo at payo, puwede tayong maka sunod sa kanyang mga yapak. Muli ang aming pagbati ng maligayang kaarawan sa aking ama at kasanggang Pareng Rey.

Facebook Comments
Share and Follow Us:

Photo/s used in this post is/are covered under the Fair Use Exemption of the IP Code.

By posting a comment in the section provided, you hereby agree to:
  • You acknowledge that Manila Speak is only a platform for your views and opinions and those views and opinions of yours are not necessarily that of Manila Speak.
  • The comments section is a public forum and you will be considerate and respectful at all times.
  • You shall not post any defamatory utterances, profanity or vulgar language, anything that is obscene or abusive. You shall not post any false statements, harassing words or threaten a person’s safety or property.
  • You shall not, without consent, post any personal information such as but not limited to phone numbers and email or mailing addresses.
  • You shall not violate other’s intellectual property or proprietary rights.
  • Manila Speak may or may not review your post but it reserves the right to remove that same if such post may potentially violate the guidelines.
  • All Rights Reserved. No portion of this site may be republished without permission of the publisher.

 


 

Speak Your Mind


Social media & sharing icons powered by UltimatelySocial