The Philippines' First All-Opinion Website

Commentary
August 5, 2018

PAOAY ADVENTURE

Maaksyong bakasyon!
Pagrampa sa umaalong buhangin. Pag bisita sa World Heritage site na Paoay Church at pag tikim sa kakaibang pinakbit pizza. Ito ang ilan lamang sa kakaibang adventure na ginawa ng Kasangga Team kamakailan.

Sa aming ginawang pag bisita sa Paoay Ilocos Norte kamakailan na aming ipinakita sa “Kasangga Mo Ang Langit” television program sa PTV4 na napapanood tuwing Biyernes ng alas diyes ng gabi (10pm), aming ibinahagi ang exciting na Sand boarding ng Paoay Ilocos Norte.

Paoay CHALLENGE

Hindi mo kailangang magtungo ng gitnang silangan para makakita ng disyerto. Hindi mo rin kailangang magtungo sa Estados Unidos para maranasan ang extreme adventure tulad ng pagtalon at pagrampa sa matatarik at maalon na bulubonduking Sand Dunes sakay ka ng 4 X 4.

Sa Paoay, Ilocos Norte matatagpuan ang Sand Dunes kung saan puede nyong i-enjoy ng husto ang inyong trip sa Ilocos. Subukan nating mag sand boarding sa Sand Dunes Adventure.

Kinapanayam ng Kasangga Team sa pangunguna ni JR Langit si Mayor Jessie E. Galano ng Paoay Ilocos Norte.

JR Langit: Mayor ano po ba tong makikita natin ngayon, at ano itong ginagawa nila?

Mayor Jessie: Actually yung ginagawa nila na mag sa sand board ito yung sand boarding na sinasabi natin na other aspect of sand bashing dito sa Sand Dunes sa Paoay. kaya makikita natin yung isang activity, para atleast masiyahan din ang tao. Kung baga sa ice skating ito naman ang sand boarding.

Para itong surfing sa dagat, ito ay sa malaking alon naman ng buhangin. Nakakalula man ang taas pero safe naman.

JR Langit: Mukha pang advanced level na po ito.

Mayor Jessie: Oo nga, pang advance level na to, may mga pang beginner kami doon. Nakaupo, nakatayo, puwede. Bago ka naman sasakay dito bibigyan ka muna ng instruction. Sisiguruhin na tama ang gagawin mo, para walang sablay.

Rey Langit: Wala bang delikado rito Mayor?

Mayor Jessie: ah actually maiiwasan naman yon, halimbawa sa kalagitnaan ng pag daosdos at gusto nilang tumigil sa Sand boarding ang gagawin lang nila uupo lang, yon ang control hihinto na, kaya safe na rin sa gustong mag-ride.

ANG PANDAY

Makasaysayan din ang lugar na ito, paboritong shootingan ito ng legend ng pelikulang filipino na si Fernando Poe Jr.Sa malawak na disyertong ito matatandaang nilabanan ni FPJ si Max Alvarado bilang Lizardo sa pelikulang “Ang Panday.”

Rey Langit: Alam kong gustong gustong nagsho-shot ni FPJ dito ng kanyang Pelikula.

Mayor Jessie: Opo, dito nga siya nag sho-shot.

JR Langit: Nang kanyang ang Panday.

Mayor Jessie: Ang Panday, dito rin ginawa ang Himala, 4th of July, may isa pa…. ano nga pangalan nung pilikula na pinag sama sama ang magagandang dilag na dito nag shoot? Ah yon Temptation island.

SAND DUNES ADVENTURE

Hindi kailangang maging professional ka para ma enjoy ang sand boarding, puede ring galugarin ang makapigil hiningang ganda ng Paoay Sand Dunes, sakay ng matatangkad na 4×4 Jeep.

Sa ginawa naming pakikipanayam kay John Wilbert Casil, Vice Chairman ng Suba Paoay Sand Dunes Cooperative.

JR Langit: Kailan pa ho itong 4×4 na Sand Dunes ride?

John: Taong 2010 nag umpisa na itong 4×4 ride natin dito.

JR Langit: Magkano naman ang singil ninyo sa bawat 4×4 ride?

John: Ang rate po natin sir ay P2,500. 5-6 person na yun nakasakay sa 4×4 with sand boarding na po yun, total po ng one hour.

JR Langit: Open rin kayo nang Monday to Friday?

John: Yes from 6am to 6pm po. Dito yung pinaka malawak na area nang Paoay sand dunes.

Hindi lang sand boarding, sinubukan rin naming ma-experience at matikman ang pinagmamalaking “pinakbet pizza” ng Paoay Ilocos Norte. Pinapilan na rin namin ang Food Trip challenge ng ating kaibigang Margaux Salcedo na regular na nababasa dito sa manilaspeak.com.

Hindi talaga dapat palampasin kapag nagtungo ng Paoay ang kanilang sikat na – Pinakbet pizza. Sa hindi pa nasusubukan ang special na pizza na niluto sa bagoong, dito natin subukan at mapapa WOW KA!

ISTORYA NI PINAKBET PIZZA

Kinapanayam ni Kasanggang JR Langit si Genedina Centeno, ang Herencia Café- Store Manager.

JR Langit: Paano po naconceptualize yung pag gawa po nitong pinakbet pizza na binabalik balikan ng mga parokyano o mga customers po ninyo?

Owner: Instead na kakain sila ng vegetable through rice, ito na. Kasi nga dahil Health Concious na tyo at turo ito nang mga doctors dito at sa pizza atleast low cholesterol because of the thin crust na hinalo nila sa pizza, it’s a thin crust and then nasabi nila na ano na ‘aba masarap pala, atsaka dun na nagsimula yun. Sa halip na sa kanin isama ang pinakbet, sa pizza crust na nakapatong ang pinakasikat na gulay ng mga Ilocano.

JR Langit: Bakit po nilalagyan ng bagoong?

Owner: Because yung pinakbet niluluto sya sa bagoong and then pag niluto sya sa bagoong slightly lang , slight lang yung alat , so para saganon pag sinawsawan sya ng bagoong dun nila malalasahan yung taste ng pinakbet.

The best ang pinakbet pizza para sa mga gusto ng pizza at na iingatan pa ang kanilang katawan sa cholesterol. Nagsimula lang daw ang Herencia Café noon na isang maliit na restawran lamang. Kumbaga isang maliit na space lamang ito. At nung medyo tumagal tagal na at dinarayo na ng mga turista doon na nagkraoon ng expansion. Bali itong herencia is a corporation, owned by 3 Doctors and 3 Businessmen, yung 3 Doctors ang nag isip kung paano nila ipinupromote yung pinakbet pizza through ideal food na heath conscious. Doon nag umpisa na maiproduce yun pinakbet pizza, through vegetable, nung 2005 nun nag umpisa ito hangang sa naging papular na.

WORLD HERITAGE SITE

Maraming puedeng dayuhin sa Paoay Ilocos Norte tulad ng Paoay Church na kabilang sa World Heritage site at kasama sa top 5 ng mga pinakamatandang simbahan sa Pilipinas. Aming binisita ang simbahan, ang maikling panalangin at siyempre kasama rito ang ating personal na 3 wishes !

Hindi ko kinaligtaan na mag uwi ng nag gagandaan nilang mga rosaries, bumili ng isang dosena at pinamahagi sa ating mga kasama na souvenir ng Paoay church. Kung tourist spots ang pag uusapan, hindi talaga padadaig ang Pilipinas. Napakarami nating puedeng tuklasin at i-enjoy sa sarili nating bansa. Na-enjoy na natin ang ating bakasyon, nakatulong ka pa sa sarili mong bansa, kaya bakit pa tayo lalayo.

Facebook Comments
Share and Follow Us:

Photo/s used in this post is/are covered under the Fair Use Exemption of the IP Code.

By posting a comment in the section provided, you hereby agree to:
  • You acknowledge that Manila Speak is only a platform for your views and opinions and those views and opinions of yours are not necessarily that of Manila Speak.
  • The comments section is a public forum and you will be considerate and respectful at all times.
  • You shall not post any defamatory utterances, profanity or vulgar language, anything that is obscene or abusive. You shall not post any false statements, harassing words or threaten a person’s safety or property.
  • You shall not, without consent, post any personal information such as but not limited to phone numbers and email or mailing addresses.
  • You shall not violate other’s intellectual property or proprietary rights.
  • Manila Speak may or may not review your post but it reserves the right to remove that same if such post may potentially violate the guidelines.
  • All Rights Reserved. No portion of this site may be republished without permission of the publisher.

 


 

Speak Your Mind


Social media & sharing icons powered by UltimatelySocial