The Philippines' First All-Opinion Website

Commentary
September 30, 2018

BIYAHENG LANGIT SA GOLDEN GATE BRIDGE

Sa bawat sulok ng mundo ay may Pilipino, minsan pa’y samahan niyo kaming bisitahin sila, ito po si Pareng Rey at ang ating Kasangga na si JR Langit. Tampok natin ngayon ang puntahan at pasyalan ng mga Filipino na “GOLDEN GATE BRIDGE.” Ang ating istorya ay hango sa aming Programang “BIYAHENG LANGIT” na inyong napapanood tuwing Biyernes ng gabi, alas diyes (10:00pm) sa PTV4.

SELFIE DESTINATION

Ang Golden Gate Bridge ay binansagang “the most photographed bridge in the world.” Ang pinaka-mahaba at pinaka-mataas na suspension bridge sa buong mundo, ang pinasyalan ng Biyaheng Langit sa San Francisco.

Taong 1933 nang simulan ang paggawa ng Golden Gate, noo’y itinuturing na pinaka-mahabang tulay sa buong mundo. Ngayon ito ang maituturing na iconic landmark ng siyudad ng San Francisco sa America. At may hawak ng titulo na “most photographed bridge on the planet.”

Silipin natin ang Golden Gate na pasyalan nang ating mga kababayang naninirahan sa San Francisco Bay area, kadalasan dito makikita ang mga Tourists na nagse-selfie, nagpi picture taking, pamilya na namamasyal, kabataan na nagja-jogging, mga senior Citizens na nagbe breech walking. At hindi rin malilimutan ng ating kababayan na ngayon ay naninirahan na sa San Francisco Bay Area na sina Mr. and Mrs. Cezar Etchon at Lota Etchon na naging bahagi ang Golden Gate Bridge sa kanilang first encounter and successful love affair.

Sa kanila nagmula ang pamosong UNAFEYED415 sa San Francisco USA. Isa sa mga favorite nating destinations sa abroad, ang San Francisco Bay Area. Dito matatagpuan ang stud SUPERFLY ng mga magkakapatid na Frank, Mike at Jr Echon ng UNAFEYED415 of UNAFEYED KENNELS. Sa kanila matatagpuan ang papular at sikat na “OG Looks” na favourite ng mga American Bully Enthusiast.

MIGRANT FILIPINOS

Sa lahat nang pag kakataon makakakita ka ng Pilipino rito, maaaring dayo o naninirahan sa San Francisco bay area. Ang iba ay galing pa sa malayong lugar ng California, mga migrant Filipinos mula sa Sacramento, Vallejo, San Jose, Carson at Reno.

Kapag nababanggit ang San Francisco, unang pumapasok sa ating isipan ang sikat na tulay na matatagpuan sa siyudad.

GOLDEN BRIDGE

Universal Orange ang kulay ng pintura na ginamit dito sa tulay, subalit tuwing nasisinagan ito ng araw nagmimistulang ginto. At ang kulay nito ay lutang kahit na sa fog o makapal na ulap. Dito nanggaling yon tawag at nabansagan itong Golden Gate Bridge.

Ika-28 ng Mayo taong 1937 nang mabuksan sa publiko ang pinaka-kilalang tulay sa estado ng California. Sa pamumuno ng chief engineer nito na si Joseph Strauss, nabigyan ng buhay ang isang napakalaking proyekto. Ang pagbuo nang pinakamahabang tulay noon sa Amerika. Sinasabing umaabot sa 37 million dollars ang nagastos, mabuo lamang ang tulay na ito. At kung ngayon, tinatayang mahigit 1.3 billion dollars ang aabutin sa pagpapagawa nito.

AMERICA’S LONGEST BRIDGE

Sa loob ng ilang dekada mula nang mabuo ang tulay hinahawakan nito ang titulong America’s longest suspension bridge, subalit ngayon pumapangalawa na lamang ito sa Verrazano’s Narrow bridge ng New York. Sinasabing umaabot sa 35$ million dollars ang pagpapagawa ng tulay. At umabot umano sa isang buong linggo ang pagdiriwang nito. Mula noon hanggang ngayon, marami nang pelikula ang nakunan dito mismo sa Golden gate bridge, kabilang na ang Hollywood films na “Interview with the Vampire,” at “The Rock.”

ONE OF THE SEVEN WONDERS

Taong 1994, pinangalanan itong “one of the seven civil engineering wonders of the United States ng American Society of Civil Engineers. Nag karoon na rin nang panahong ito ay isinara ng ilang oras dahil sa malakas na hangin dulot nang malakas na bagyo.

Petsa, December 1, 1951 nang umabot ang lakas ng hangin sa 69 miles per hour. December 23, 1982 ang malakas na hangin ay umabot sa 70 miles per hour. At noong Dec. 3, 1983 nag sara ito ng mahigit sa 3 oras dulot ng malakas na hangin na umabot naman sa 75 miles per hour, ngunit wala namang naitalang structural damage sa tulay. Naitala rin noon ang makasaysayang pag dalaw ng dalawang matataas na opisyal sa Golden Gate Bridge, na sina President Franklin Roosevelt at President Charles de Gaulle ng Francia.

BILLION VEHICLES

Enero 2014, tinatayang umabot sa 2,025,883,491 ang dami nang mga sasakyan na tumawid sa tulay na ito mula nang ito’y buksan noong May 28, 1937.

Oct 17, 1989 niyanig ang Bay area ng tinawag nilang Loma Prieta earthquake na may lakas na 7.1 sa richter scale. Hindi natinag ang Golden Gate Bridge, walang damage na nangyari. Ito ang tinatayang pinakamalakas na lindol na kanilang naranasan mula taong 1906. Ang tulay ay may anim (6) na lanes, sa direction ng northbound at southbound.

GOLDEN YEAR OF GOLDEN BRIDGE

Mayo 24, 1987 araw ng Linggo nang ang Golden Gate Bridge ay magdiwang nang kanyang ika-50 taon. Dumagsa ang mga tao mula sa iba’t ibang dako ng mundo.

Naging historical ang pag diriwang na ito, dito muling isinilang ang tinaguriang “Bridgewalk 87” na isang reenacment at hango sa “Pedestrian Day 37” tinatayang tatlong daang libo (300,000) katao ang nakibahagi sa pag diriwang. Nasundan ng commemorative vintage automobile motorcade.

Hanggang sa susunod na baglalabay ito po si Pareng Rey kasama si Kasangga – JR Langit, siguradong hindi tayo mauubusan ng kwentong Pinoy sapagkat sa bawat sulok ng mundo ay may Filipino. Minsan pa ang aming pasasalamat sa inyong walang sawang pakikipaglakbay sa aming Biyaheng Langit.


Facebook Comments
Share and Follow Us:

Photo/s used in this post is/are covered under the Fair Use Exemption of the IP Code.

By posting a comment in the section provided, you hereby agree to:
  • You acknowledge that Manila Speak is only a platform for your views and opinions and those views and opinions of yours are not necessarily that of Manila Speak.
  • The comments section is a public forum and you will be considerate and respectful at all times.
  • You shall not post any defamatory utterances, profanity or vulgar language, anything that is obscene or abusive. You shall not post any false statements, harassing words or threaten a person’s safety or property.
  • You shall not, without consent, post any personal information such as but not limited to phone numbers and email or mailing addresses.
  • You shall not violate other’s intellectual property or proprietary rights.
  • Manila Speak may or may not review your post but it reserves the right to remove that same if such post may potentially violate the guidelines.
  • All Rights Reserved. No portion of this site may be republished without permission of the publisher.

 


 

Speak Your Mind


Social media & sharing icons powered by UltimatelySocial