The Philippines' First All-Opinion Website

Commentary
September 9, 2018

BATO ANG INYONG KASANGGA

Rey Langit: Limang buwan makalipas maging pnp chief kamustahin natin ngayon si usec Ronald dela rosa bilang chief ng bucor. Ito po si pareng Rey.

JR Langit: Ang progreso ng kanyang misyon na linisin ang pambansang piitan sa bansa, ating alamin. Ako naman ang inyong kasangga, JR Langit.

Kaugnay ng iba’t ibang isyung bumabalot sa Bureau Of Correction kami ni Kasangga JR Langit ay nagsakatuparan ng exclusive na one-on-one interview kay USEC Ronald Dela Rosa, binahagi namin ito at inyong napanood sa aming programang pang telebisyon sa PTV4, “KASANGGA MO ANG LANGIT” Biyernes ng alas diyes (10pm) ng gabi. At ngayon aking ibabahagi sa inyo sa social media sa pamamagitan ng manilaspeak.com ang kanyang pamamalakad na sing tigas ng bato sa loob ng Muntinlupa.

Tuloy tuloy ang paglilinis na ginagawa ni bato dito sa new bilibid prisons gayun din sa ilan pang mga piitan na sangay ng BuCor sa buong bansa.

BuCor Chief Bato: detoxification na ginagamit ko sa kanila, ito ang bartolina, “babartolinahin ko kayo pagka kayo nahuli ko gumamit ng droga.”

Sa gabi in-implement niya yung tops lights off. May curfew sila pagka alas-10 ng gabi, pag sound ng tops yung gyugol call na para lang sa academy na la la la la , pag last note nyan lahat ng ilaw patay na lahat.

BuCor Chief Bato: “Ang mga inmates dapat nakahiga na, iikot na ang mga gwardya pag meron pang gising pinapatulog, haha!”

MADE OF STONE

Bato kung siya ay tawagin dahil narin sa kanyang prinsipyo at disiplina na kasing tigas ng bato, date mga scalawag ng pnp at ngayon mga anay naman ng new bilibid prisons ang kanyang target. Sa kanyang pagpasok bilang pinuno ng BuCor, unang inayos ni Bato ang sweldo ng mga empleyado.

Gumawa rin ng paraan si Bato upang maiwasan ang kutsabahan sa pagitan ng mga correction officers at convicted drug lords. Dinoble niya ang sweldo nang mga empliyado ng BuCor. Dati kasi P15,000. a month ang pinaka basic salary ng mga empliyado ngayon dinoble na niya.

BuCor Chief Bato: eh yung dito sa corrections of officer of bucor dati P12k a month ngayon P30k na, so more than double ito. Sabi ko there is no reason na gagawa pa kayo ng kalokohan dahil nga sinasabi natin na pinabayaan itong bucor ng matagal tagal, uh sa hirap ng buhay ng mga empleyado natin dito kaya minsan nakikiapid na yung iba nkiki connive sa mga drug lord na maraming pera. Nasisilaw sila sa pera kaya ayun nagkakaroon ng problema sa loob at ngayon sisiguraduhin natin na hindi mangyayare ito uli.

STRATEGY OR COURSE OF ACTION

Pinag bawal na rin na magdala ng Cellphone ang mga empleyado, sa mga correction officers pag papasok sa mga compound, maximum, medium or minimum security compound. Dahil hindi alam kung sino sino sa mga empleyado ang involve sa pag smuggle ng kontra band sa loob.

BuCor Chief Bato: Particular dito sa loob, nakahuli na nga tayo e at yun ang pinakakasuhan natin baka matanggal sa serbisyo, kasi mamaya pagpasok nya may dalang cellphone mamaya paglabas hindi naman iinspection kung yung cellphone na dinala nila dala dala paba nila palabas, baka iniwan na sa loob, so ayun ung isa sa binago natin.

JR Langit: Ano pa hong ibang diskarte ang naiisip nyo para sa paglilinis dito sa bilibid ?

BuCor Chief Bato: May mga plano pa tayo na yung mga kusina dito, yung lutuan ng pagkain gusto ko na gumawa ng building sa labas at duon gagawin yan dahil ayun nga yung isa sa nakikita kong sige yung delivery ng mga pagkain yung mga bigas mga panggatong lahat ng mga ingredients ng mga pagkain pagpasok dito hindi naman yan lahat ng sako ng bigas maiinspection, lahat lahat kung pwede malagyan ng palaman ng kontra bando lagyan mo ng isang kilong shabu yan di mo naman mapapansin yan diba , kaya gusto ko ilabas yung kusina saka pag nasa loob yung mga kutsilyo nila jan pwedeng yan gamitin sa pag mag riot diba.

SENIOR INMATES

Sa harap ng matinding problema sa droga ng New Bilibid Prisons, isa pang sector ng mga bilanggo ang nais na tutukan ni Bato, ito ang mga matatandang preso na wala nang mapuntahan.

JR Langit: Meron po silang tinitirhan na mga bahay dito, at free o libre silang mag ikot ikot?

BuCor Chief Bato: Meron tayong kwan jan, merong mga NGO na mga tumutulong. Yung mga half way house jan once matapos ang kanilang sentence dun sila ilalagay sa half way house ina-accommodate. Takot sila na humarap sa outside environment, so psychologically, technically, vocationally tinutulungan sila doon.

Iba raw sa mga graduate na ay meron chansa parin na maka adopt sa labas, kahit matanda na sila. Pero yung iba naman ayaw na talaga, wala na silang uuwian, ang iba ay tinakwil na sila, at marami rin na ang kanilang kamaganak ay nasa malalayong probinsiya na kaya doon na lamang sa half way house sila inaalagaan. Paikot ikot na lang sa compound ng Muntinlupa. Ang iba ay nag skwat na lamang sa loob, gumawa na lang sila ng maliliit na bahay kubo.

ART OF EMPLOYING PLANS

Naging kontrobersyal ang NBP matapos mabunyag na kahit nakakulong na ay nagpapatuloy ang operasyon ng mga big time drug lords. Dahil rin sa kontrobersyang ito, nakapagpakulong ng isang senador ang administrasyon.

Isa sa unang ginawa ni Bato bilang hepe ng Bureau of corrections ay paghiwalayin ang pinagkukuhanan ng suplay ng shabu at ang mga nagpapakalat nito.

Ang mga convicted na chinese drug lords ay pinagsama sama. Mula sa iba’t ibang Prisons camp, at mga bilibid. Sa ngayon pito (7) ang malalaking kulungan sa ilalim ng BuCor all over of the Philippines. Sa isang binakanteng Building, ito ang Building 1 pinagsama sama ang lahat ng mga convicted na chinese drug lords upang mabantayan at masusing ma monitor ang kanilang galaw. Inaisolate sila sa mga Pilipinong inmates na nag sisilbing mga distributors ng mga Illegal na droga sa labas. Ang mga chinese na ito ang nag iimport o nag paparating ng mga illegal drugs sa Pilipinas at ikinakalat sa Luzon at Metro Manila sa pamamagitan ng mga connect nila sa iba’t ibang gang sa loob, tulad ng mga ka-kosa nila na sigi sigi, sputnik, komando, batang City Jail at iba pa. Ang mga members ng mga Gang na ito sa labas ng piitan ang ginagamit upang ipakalat ang droga. Paliwanag pa ni General Bato, kahit gaano karami raw ang iparating dito kung wala namang Pilipino na magdidistribute, walang drug trade na mangyayari. Ito ang ginawa ni Bato.

BuCor Chief Bato: Atleast bumaba yung impormasyon na mayroon pang nangyayari drug trade. Hindi man talaga natin masabi na zero na, pero sa ngayon kung meron man, palagay ko hirap na hirap na sila. Mahihirapan na sila.

VIP – VERY IMPORTANT PRISONERS

Tuluyan na ring tinanggal ni Bato ang tila naging kultura na sa New Bilibid Prisons na pagkakaruon ng VIP’s.

JR Langit: Kumusta na po yung mga tinaguriang VIP dito sa loob?

BuCor Chief Bato: Yung vip vip noon yan. Sa ngayon wala na, equal na silang lahat. Equal footing na lahat ng mga inmates dito, kahit na yung mga high profile. Maski pa nga si General Garcia ng AFP na nakakulong dito. Binisita ko yung kanyang tulugan e naawa ako karton lang yung kanyang kama, sabi ko sir kaya mo ba ito, sabi nya ok na ito, adopted na ako dito…. kaya wala nang vip vip ngayon dito.

Malaking pagbabago ang ginagawa ni bato sa mga piitan sa bansa at wala syang planong abandonahin ang mga planong ito kahit pa tumawid sya sa ibang larangan sa mga susunod na panahon. Laluna sa mga identified na mga drug lords na mainit na ang mata ni Bato sa kanila. Hindi na sila pwedeng mamuhay ng marangya. Ang kanilang mga kubol na kinokonsiderang mga high end noon ay sinira na, ang ilang mga natitirang maliliit na kubol ay pinayagan na rin dahil siksikan na sila sa loob ng Building. Sa malalaking Building umaabot din ng 18,000. inmates ang nakatira rito. Kaya nakakabawas ang mangilan ngilang nakatira sa mga kubol. Yong ang mga shanties na hindi pinapayagan ang aircon.

RE-ACTION IN POLITICS

JR Langit: Okay po, kung sakali naman na kayo’y tumakbo, ano naman ang maiooffer ninyo sa Bayan?

BuCor Chief Bato: Hindi naman ako pwedeng mag ambinsyon sa ibang field. Hindi ako pwedeng makialam sa herbal, dahil di naman ako doctor, di ako pwedeng makialam sa mga legal, dahil di naman ako abogado. Dito lang talaga ako focus sa pa mumulis na linya ko at enforcement, at saka itong war on drugs, uh more on jan talaga ako nakatutok at idagdag ko narin yung adbokasiya ko dito sa bucor dahil awang awa ako dito sa ahensya na ito talagang tutulangan natin ito na maiangat.

JR Langit: Aakuin na ninyong advocacy na ma improve ang kanilang buhay kahit na sinasabing sila ay reject na ng lipunan at ng society natin?

BuCor Chief Bato: Uh gaganda yung sitwasyon nila dito dahil nga sa ngayon, kung ikaw gobyerno kung gagastos ka ng pera bakit ka nga mag focus jan sa mga nakakulong nyan, sa mga latak ng lipunan. Walang pake yung gobyerno sa kanila eh.. latak ng lipunan nayan, last priority na sa ating budget. Siyempre ating ayusin na muna ang education, imprastracture, ang mga preso bayaan mo yan….. kya yun ang tututukan natin.

SUMMATION

Nakilala si bato sa kanyang mahigpit na pagpapatupad sa war on drugs ng pangulong Rodrigo duterte at ngayon dala dala nya ito sa new bilibid prisons. Kaugnay pa rin ng war on drugs, ang panawagan niya, sana mag patuloy ang pagsuporta sa ginagawa ng pamahalaan. Dahil ang ginagawa raw nila ay hindi lamang sa ating sarili kung hindi para sa ating mga anak, mga apo, maging sa mga future generations nating mga Filipinos. Sana raw ay makatikim sila ng isang environment o kumunidad na walang kaproble problema sa droga.

Napatunayan na ni Bato ang kanyang kakayahan nang pamunuan nya ang PNP. Sa panibagong hamon na ito bilang Bucor chief inaasahan ang maraming pagbabago pa sa ibat ibang sangay ng bucors sa buong bansa.

Facebook Comments
Share and Follow Us:

Photo/s used in this post is/are covered under the Fair Use Exemption of the IP Code.

By posting a comment in the section provided, you hereby agree to:
  • You acknowledge that Manila Speak is only a platform for your views and opinions and those views and opinions of yours are not necessarily that of Manila Speak.
  • The comments section is a public forum and you will be considerate and respectful at all times.
  • You shall not post any defamatory utterances, profanity or vulgar language, anything that is obscene or abusive. You shall not post any false statements, harassing words or threaten a person’s safety or property.
  • You shall not, without consent, post any personal information such as but not limited to phone numbers and email or mailing addresses.
  • You shall not violate other’s intellectual property or proprietary rights.
  • Manila Speak may or may not review your post but it reserves the right to remove that same if such post may potentially violate the guidelines.
  • All Rights Reserved. No portion of this site may be republished without permission of the publisher.

 


 

Speak Your Mind


Social media & sharing icons powered by UltimatelySocial